Biltegi kudeaketarako sistemaren berrikuntza integrala

Abstract

Azken urteetan sektore ezberdinetan lan egiten duten enpresa zein ekoizleek, euren biltegien kudeaketa on bat izatea behar-beharrezkoa ikusi dute, eskariei modu eraginkorragoan erantzun ahal izateko eta, bide batez, kostuetan aurreztu ahal izateko. Jakina, kudeaketa hau egin ahal izateko denboran zehar hardware zein software soluzio ezberdinak erabili dira, momentuko beharretara moldatuz eskuragarri dagoen teknologia erabiliz. Azken puntu hau da, hain zuzen ere, proiektu honen helburu nagusia. Aurretik jasotako informazio eta baliabideak erabiliz, biltegi kudeaketarako sistema baten berrikuntza integrala burutzea, gaur egungo enpresa txiki-ertainen beharrei erantzuna emateko teknologia berriak erabiliz eta, bezeroen sistema eragileekiko dependentzia ahaztuz. Mahaigaineko ordenagailu edo terminaletan instalatzen diren aplikazioak gainditu eta nabigatzaile arrunt batetik, kudeaketa ezberdinak egin ahalko dituzte erabiltze mota ezberdinek, hala nola, biltegiaren egituraren kudeaketa, produktu eta formatuen kudeaketa, sarrera zein irteera eskarien kudeaketa. . . orohar, biltegi baten gestioa egiteko beharrezko atazak.