Gaueko presio arterialaren eta bihotz-arnasketa gaitasunaren asoziazioa lehen mailako hipertentsioa eta gainpisua duten pertsonengan
Date
2016-12-27Author
Benito Erdozain, Andoni
Metadata
Show full item recordAbstract
SARRERA: Hipertentsioa, gainpisua/obesitatea eta gaitasun kardiorbaskular baxua izatea arrisku faktoreak dira. Normalean, gauean zehar tentsio arteriala jaitsi egiten da, baina jaitsiera hau gertatzen ez denean, baxuegia denean (<%10) edo altuegia denean (>%20) gaixotasun kardiobaskularra pairatzeko arriskua handitzen da.
HELBURUAK: Gainpisua edo obesitatea eta lehen mailako hipertensioa (HTA) duten pertsonetan, 1) gaueko tentsio arterialaren jaitsieraren kategorien eta aldagai fisiko eta fisiologikoen arteko desberdintasuna aztertzea, 2) gaueko presio arterialean gizon eta emakumeen arteko desberdintasuna analizatzea, eta 3) gaueko tentsio arterialaren eta gaitasun kardiobaskularraren arteko asoziazioa aztertzea.
METODOAK: Ikasketa honetan HTA eta gainpisua edo obesitatea duten 209 pertsonek (adina= 54,0 ± 8,1 urte) parte hartu dute, EXERDIET-HTA ikerketan parte hartutakoak. Odol presioaren neurketak 24 orduko grabatzailearekin neurtu ziren eta gaitasun fisikoaren neurketak bizikletan eta gas analizatzailearen bitarteko esfortzu probaren bitartez. Gaueko tentsio arterialaren jaitsieran kategoria ezberdinak ezarri ziren (“risers, R”, “non-dippers, ND”, “dippers, D” eta “extreme-dippers, ED”).
EMAITZAK: Soilik parte hartzaileen %51,7-ak gaueko presio arterial jaitsieraren kategoria gomendagarrian (D) sartzen dira. Gaueko tentsio arteriala zenbat eta jaitsiera handiagoa izanda (extreme dippers<dippers<non-dippers<risers), orduan eta aldagai batzuk (gorputzeko masa indizea, gaueko presio arteriala) baxuagoak ere (p<0,000) izan ziren. Sexuen arteko ezberdintasunak agertu ziren, emakumeek gizonek baino balio baxuagoak (p<0,05) izanda gerri zirkunferentzian, gaitasun kardiobaskularrean, eguneko, bai gaueko presio arteriala diastolikoan eta eguneko batez besteko presio arterialean. Azkenik, ikusi da asoziaziorik ez dagoela gaueko presio arterialaren jaitsieraren kategorien eta gaitasun kardiobaskularraren artean.
KONKLUSIOAK: Lehenengo mailako hipertentsioa eta gainpisua/obesitatea pairatzen duten pertsona erdiek gaueko presio arterialaren patroi osasuntsua (“dipper”) jarraitzen ez dutela esan liteke. Obesitatearen balio altuak gaueko tentsio arterialaren ez jaitsierarekin erlazionatzen dira, eta ez gaitasun fisikoarekin. Beharrezkoa da gorputz masa jaistea, jarduera fisikoaren zein nutrizio egokiaren bitartez, tentsio arterialean onurak izateko eta gaixotasun kardiobaskularraren arrisku maila murrizteko.