Toraxeko bideokirurgia eta torakotomia klasikoaren alderaketa toraxeko erresekzio nagusietan

Abstract

[EUS] Badira 2 urte Donostiako Unibertsitate Ospitaleko Toraxeko Kirurgia sailean VATS programa martxan jarri zutenetik. Programa honen barruan, torakotomia zabala (TZ) bigarren aukerako teknika bilakatu eta toraxeko bideokirurgia (VATS) erabiltzen hasi ziren birikako lobektomiak egiteko lehen aukera moduan. Izan ere, duela gutxiko hainbat joera azterketa (propensity analysis), meta-analisi eta errebisio sistematikok diotenez VATS teknikak konplikazio gutxiago eta ospitaleratze denbora laburragoa eskaintzen ditu TZk baino.