Kanporatzea eta Etsaiaren Zigor Zuzenbidea: hausnarketa kritikoa ikuspegi aktuarial-gerentzial batetik

Abstract

Jarraian aurkezten den lanaren oinarrian aurkitzen den gaia atzerritarren eta estatuaren arteko boterezko harremana da. Bertatik abiatuta, harreman hori praktikan nola gauzatzen den eta zein ondorio ekartzen dituen aztertu dut, ikuspegi teoriko zein enpiriko kualitatibo batetik. Hain zuzen ere ikerketa enpiriko kualitatibo hau da lan hau gainerako gradu amaierako lanetatik bereizten duena. Lan honetan zehar beraz, arestian aipatutakoarekin erlazionaturik dauden hainbat aspektuz gainera, kanporaketa zigorraren erregulazioa izan dut aztergai, bai eta bere erabilera politika migratzailearen instrumentu bezala immigrazio irregularraren aurka borrokatzeko. Era berean, erabilera horretatik eratortzen diren agertoki eta praktika ezberdinak aipatu ditut, esaterako, egoera irregularrean aurkitzen diren pertsonak lokalizatuta egoteko bideraturik dauden jardun polizialak, edota kanporaketa espresen problematika.