Testing the effects of food quality, as well as chemical contamination of water and sediments, on aquatic detrital systems using laboratory experiments.

Abstract

Materia organikoaren kalitate aldaketek eta kutsadura kimikoak sistema detritikoetan duten eragina aztertzea izan da tesi honen helburu nagusia. Horretarako, laborategiko mikrokosmo esperimentuak erabili dira tesian zehar. Materia organikoaren kalitateak eta eskuragarritasunak esangarriki baldintzatzen dute deskonposaketa tasa baina ez ornogabe zatitzaileen (Echinogammarus berilloni) gorputz egoera. Kontsumo tasa eta RNA:BM ratioa ezin dira seinale goiztiar bezala erabili. Inkubazio denborak inkoherentziak sortzen ditu neurtutako aldagaietan eta gure emaitzak kontutan hartuta, 16 eguneko inkubazioa minimoa gomendatzen dugu. Hirugarren kapituluan ikusi genuen araztegietako efluenteak (0 %tik 100 %era) orokorrean komunitate mikrobiarraren eta zatitzaileen portaera aktibatu zuela. Laugarren kapituluan, sedimentuetako kutsatzaile nahasketa baten eragina aztertu genuen Monoporeia affinis indibiduoetan biomarkatzaile desberdinak neurtuta. Kutsadura gradienteari linealki eta ez-linealki erantzuten dioten biomarkatzaileen arteko korrelazioak indibiduoek jasotzen duten estres maila detektatzeko tresna egokia zirela ikusi genuen.