Matematikak femeninoak al dira?

Abstract

UPV/EHUko gradu berrien diseinuan, genero-ikuspegia lantzeko jarduerak sartzeko aukera zegoen, baina zientzia esperimentaletan ez da horrela gertatu. Artikuluaren helburua da matematika-ikaskuntzan genero-ikuspegia txertatzeko beharraz hausnartzea. Abiapuntua, matematikan gizon eta emakumeen artean dauden diferentzien azterketa da. Baina diferentziak baino haratago, diferentzien zergaitira jotzea ezinbestekoa da. Zientziaren neutraltasuna kolokan jartzen da, eta beraz, generoak duen eragina kontuan hartu behar da. Gakoa, hain zuzen, gizon eta emakumeei esleituriko baloreetan eta Matematikan (zein beste arlo askotan) nagusiak diren baloreetan datza. Azkenik, genero-ikuspegia matematika-ikasketetan txertatzeko hainbat proposamen luzatzen dira, hala nola, irakasleen prestakuntza, matematika zientzari lotutako baloreen eraldaketa edota emakume matematikarien ekarpenak zabaltzea.