BackTestu-jokoetarako errefortzu bidezko ikasketa
Abstract
Proiektu honetan errefortzu bidezko ikasketa erabili nahi da lengoaia naturalen ikasketa garatzeko. Horretarako, testu-jokoak erabili dira ikasketa paradigma honetan sakontzeko. Testu-jokoak espazio konbinatorial eta konposizionalak bezala interpreta daitezke, beraz, ingurune ezin hobeak dira lengoaia naturalaren ikasketa gauzatzeko. Proiektuaren helburua erabiliko den sistemak TextWorld (Côté et al., 2018) ingurunean errealitatea eta hizkuntzaren arteko zati konkretu bat RL bidez ikasi duen ala ez aztertzea izan da. Ondorioei dagokionez, esperimentazioa egin eta gero, sistema munduko topologia ikasteko gai ez dela ikusi da, beste mundu-errepresentazio sistema baten beharra agerian utziz.