Ocoxin osagarri naturalaren eragin antitumorala pankreako minbiziko eta kolon-ondesteko minbiziaren metastasi hepatikoko eredu esperimentaletan.

Abstract

Pankreako minbiziak eta kolon-ondesteko minbiziaren metastasi hepatikoak heriotza ugari eragiten dituzte urtero. Hauek tratatzeko erabiltzen den teknika nagusienetariko bat kimioterapia da, zeinak pazienteengan zehar-efektu eragiten dituen. Gainera, askotan gaixoak ez dira sendatzen tumoreek farmakoekiko erresistentzia garatzen baitute. Arrazoi horiei aurre egiteko emaitza onak lotzen ari den estrategietako batek, farmakoekin batera konposatu naturalak erabiltzen ditu. Zentzu horretan, Ocoxin, elementu naturalez osaturiko nutrizio-osagarria da, zeinak propietate antioxidatzaile, antiinflamatorio eta immunoerregultazaileak dituen. Faktore hauek tumorearen hazkundearekin duten erlazio hertsia ezagututa, lan honetan Ocoxin jarabea erabili da hasieran aipaturiko minbiziak tratatzeko. Ocoxinek pankreako minbiziko eta kolon-ondesteko minbiziaren metastasi hepatikoko tumoreen hazkuntza murriztu eta kimioterapikoen zitotoxizitatea areagotzen du, kimioerresistentzia gutxitzen eta zehar-eketuak arintzen dituen bitartean.