Baserritarra izan nahi dut: Lehen sektoreko azterketa

Abstract

Azken urteetan gero eta gehiago entzuten dugu gizarteak bere ingurumenarekiko duen kezka eta horrekin lotuta gertuko elikagaiak kontsumitzeko duen joera hazkorra. Baina aldi berean, elikagai kateko begi-kate guztiak aintzat hartuz, aztertu beharrekoa da zein neurritan lehen sektoreko ekoizlea izatea lehen sektorean enpresa bat martxan jartzea aukeren artean ote dagoen edota alternatiba erreala den ekintzailetza sena dutenen artean. Izan ere, asko aldatu da gizartea azken urteetan, eta landa guneak eta baserriak hustu diren heinean, gizartearen imaginariotik ere lehen sektorean jardutea desagertu da, behintzat beste lan alternatiben mailatik. Aldi berean, elikagaiak ekoiztu eta naturarekin bat eginik bizitzea bada alternatiba, beharrezkoa da eman beharreko urratsen inguruan: beharrezkoa den formazioa eskuratzea; lurra edota azpiegitura egokiak eskuratzea; prozedura burokratikoak ezagutzea; diru laguntzen berri izatea eta; berez hain konplexu den nekazal munduan aurrera ateratzeko informazioa eskuratzea; lan duina izateko aurreikuspenak aztertzea. Beraz, GRAL honen helburua helburu nagusiena ekintzaileen artean negozioaren irekiera lehen sektorean zergatik ez den azaltzen hausnartzea da. Hori dela eta, sektore honi buruzko hainbat esparru teoriko aztertu dira. Ondoren, azterketa enpirikoa egiten da sektoreko agente desberdinak oinarri harturik. Horretarako, elkarrizketa erdi-egiturak erabili dira zuzeneko informazioa eta errealitatea jasotzeko asmoarekin. Bildutako informazio hori teorian landutako edukiekin alderatu eta emaitza desberdinetara iritsi da. Bestalde, Covid-19aren krisiaren aurrean aurkitu garenez, honi buruzko azalpen laburra ere azaltzen da. Amaitzeko, ikerketaren ondorio nagusienak atera dira eta ekarpenak egiteko asmoarekin hausnarketa txiki bat ere azaltzen da; bukaeran iritzi pertsonalarekin alderatzeko.