Matematika eta hizkuntzaren lanketa bost urteko gelan: Arbela digitalerako proiektua

Abstract

Haur Hezkuntzan umeek bizitzarako beharrezkoak dituzten konpetentziak garatu eta garapen integrala bermatzea da helburua. Egun, gizartean teknologiaren presentzia handia den arren, eskoletan ez da hori gertatzen; bien artean arrakala digitala dagoela esan daiteke. Baliabide teknologikoak umeen garapenerako aukera anitzak ematen dituzte; beraz, ikuspegi pedagogiko egokiarekin, baliabide aproposak dira Haur Hezkuntzarako. Hutsune hori ikusiz, eta arbela digitalak ematen dituen aukerak aztertuta, Haur Hezkuntzako bost urteko gelarako arbela digitalerako unitate didaktikoa sortu da. Bertan, matematikari eta hizkuntzari lotutako konpetentzian lanketa egingo da, frutak eta barazkiak lantzen diren bitartean. Umeak konpetentzia digitaletan trebatzea ere bilatuko da, etorkizunerako beharrezkoa izango dutelako. Proposamen honetan, konpetentzietan oinarrituriko ikaskuntzatatik abiaturiko proiektua planteatuko da.