Ale-osoko zerealen kontsumoa, zuntza eta dietako indize gluzemikoaren eragina intsulinarekiko erresistentzian eta gibel esteatosian

Abstract

Gaur egun garrantzia handia duten gaixotasun ugari (horien artean 2.motako diabetea eta gibel koipetsu ez-alkoholikoa), elikadura-ohitura egokiak jarraituz aurreikusi daitezkeen arren, geroz eta prebalentzia handiagoa izaten dute. Horregatik, faktore estrintseko hauek kontrolatzea berebiziko garrantzia izan dezake gaixotasunaren prebentzioan lan egiteko edota behin diagnostikatuta, egoera ez larritzeko. Dietari dagokionez, karbohidrato profil ezberdinek (ale-osoko zerealen eta zereal finduen kontsumoa, zuntz dietetiko totalaren eta haren mota ezberdinen ingesta eta dietako indize gluzemikoa altua edo baxua izatea) gaixotasun horien arrisku faktore diren intsulinarekiko erresistentzian eta gibel esteatosian izan dezaketen eragina aztertuko da. Horretarako, bilaketa bibliografiko sakona egin da, orain arte gaiaren inguruan egin diren azterlanak biltzeko, lortutako emaitzak aztertzeko eta ikertzeko falta diren alderdiez jabetzeko. Pubmed, Trip Database eta Science Direct datu baseetatik lortutako artikuluak eta errebisioak erabili dira. Ikerketen artean emaitza kontrajarriak erakusten diren arren, gehienek ale-osoko zerealen indize gluzemiko baxuaren eta zuntz dietetikoaren ingesta, gibel esteatosia eta intsulinarekiko erresistentzia hobetzearekin erlazionatu dira; beraz, horien kontsumoa sustatu beharko litzateke, gaur egun horien ingestak baxuak baitira.