BackEhiza larriarekin erlazionatutako istripuen analisia araban (2009-2019). Uxaldien eragina basurde istripuetan
Abstract
Ehiza espezieekin erlazionatutako istripuek arazo larria suposatzen dute mundu mailako toki askoren errepide segurtasunean, urtero kalte ekonomiko zein pertsonal handiak sortuz. Lan honetan Araban 2009-2019 urteetan zehar ehiza larriko espezieekin erlazionatutako istripuen analisi tenporal zein espaziala egin da. Analisi tenporalaren barruan urtekako bilakaera, joerak hilabeteka, asteko egunaren arabera eta orduaren arabera eta uxaldi denboraldiaren araberako banaketa aztertu da, hauen eragileak eta erlazioak eztabaidatuz. Istripuen joera espaziala ere aztertu da istripu gehien gertatzen diren puntu beltzak identifikatuz. Jorratutako puntuak baliagarriak izan daitezke istripuen prebentzio estrategia egoki baten diseinurako eta ehiza larriko espezieen kudeaketa plan eraginkor baten garapenerako. Bestalde, uxaldiek ehiza espezieekin erlazionatutako istripuetan duten eragina ere aztertu da, istripu eta uxaldien arteko erlazio espazialaren analisiaren bitartez, erlazio eta eragileei buruz eztabaidatuz.