GIST (Urdail-hesteetako estromako tumorea): Basurtoko Unibertsitate Ospitaleko seriea

Abstract

[EUS] Urdail-hesteetako estromako tumorea (GIST) digestio-hodiko tumore mesenkimalik ohikoena da. Sintomarik ohikoena digestio-bideko odol jarioa izan arren, sarritan ezustean aurkitzen dira. GIST gehienek (%95) CD117 antigenoa aurkezten dute eta %85-90ek c-KIT edo PDGFRA geneen mutazioak aurkezten dituzte. Gehienetan froga erradiologikoekin diagnostikoa egitea nahikoa bada ere, mutazioen analisia terapia adjubantea edo neoadjubantea planifikatzean egin behar da. Tumore erresekagarrien hautazko tratamendua erauzketa kirurgikoa da. Ohiko kimioterapikoekiko erresistentzia dela eta, hautazko tratamendu medikoa tirosin kinasaren inhibitzaileak dira. GISTaz diagnostikatu eta tratatutako pazienteen ikerketa epidemiologiko, diagnostiko eta terapeutiko deskriptiboa burutzea eta progresioarekin erlazionatzen diren aldagaiak aztertzea.