Argi urdinak eragindako kalteak eragozteko Iragazki berriak

Abstract

Azken urteetan ikusi da, argi ikusgaiaren barne dagoen argi urdinak (besteak beste, pantailen argikoak) azalaren pigmentazioan eta zahartzean eragina duela. Fotobabesaren helburua gure larruazalak eguzki-erradiazioarekiko esposizioaren ondorioz jasaten dituen kalteak prebenitzea da. Larruazalak defentsa-mekanismo desberdinak ditu baina pertsonen artean bere eraginkortasuna aldatu egiten da eta ez da nahikoa izango, horregatik hainbat fotobabes estrategia garatu dira, batez ere eguerdiko orduetan, arropa eta kapela egokiekin estaltzea, betaurrekoak erabiltzea eta espektro zabaleko eguzki-produktu fotobabesleak aplikatzea, kasu bakoitzerako egokiak diren eguzki-babeseko faktoreekin, baina orokorrean erabiltzen ditugun eguzki iragazkiek ez dute argi urdinaren aurka babesten. Luzera begira, hau kaltegarria izan daiteke, gero eta handiagoa baita argi urdina duten pantailekiko esposizioa. Hori dela eta, ikerkuntza berriak egiten ari dira iragazki berrien bilaketan.