Grafiko estatistikoak Lehen Hezkuntzako euskarazko matematikako testuliburuetan.

Abstract

Ikaselkar (Baga-Biga) eta Erein argitaletxeetako Lehen Hezkuntzako matematikako testuliburuetan ageri diren grafiko estatistikoak ikertu dira. Identifikaturiko grafiko bakoitzean honakoa aztertu da: grafiko mota, zeregina, irakurmen maila eta zailtasun semiotikoa. Bi argitaletxeetan barra-diagramak eta kalkulatu eta osatu zereginak gailentzen dira. Irakurmen mailari dagokionean Ikaselkarren datuak irakurri eta datuen barnean irakurri mailei dagozkien jarduerak ageri dira soilik. Erein argitaletxeak, aldiz, datuetatik haratago irakurri mailako jardueraren bat gehitzen du (% 10,64). Zailtasun semiotikoei dagokioenean Ereinek datuen banaketen adierazpena mailari ematen dio pisu handiena (% 64,29). Ikaselkarrek, aldiz, datu multzo baten adierazpena horien banaketa aurkeztu gabe mailari ere lekua eskaintzen dio.