Mikroorganismo multierresistenteek eragindako infekzioa COVID-19 duten paziente kritikoetan

Abstract

[EU] Sarrera: Mikroorganismo multierresistenteek eragindako infekzioak COVID-19 gaixo kritikoetan gerta daitezkeen konplikazioak dira eta COVID-19 pandemia garaian aldez aurretik infekzio hauekin zegoen arazoa larriagotu egin zen. Helburuak: Errebisio bibliografiko honen helburu izan zen infekzio hauek osotasunean ikertzea eta horretarako hurrengo helburuak aztertu ziren: mikroorganismoen prebalentziak, jatorria, arrisku faktoreak, prebentzioa, diagnostikoa, erresistentzia mekanismoak eta tratamenduak. Material eta metodoak: Errebisio bibliografikoa burutu zen 3 datu base desberdinetan (PubMed, ScienceDirect eta Cochrane Library) bilaketa ugari eginez 2023 urteko otsailetik martxora. Guztira 47 artikulu erabili ziren. Emaitzak: Mikroorganismo ohikoenak K. pneumoniae eta A. baumannii bakterio gram negatiboak izan ziren. Bakterio hauek antibiotiko erabileraren gehikuntzarekin eta gailu inbaditzaileen erabilerarekin erlazionaturik egon zitezkeen. Prebentzio modura baheketa metodoak hazkuntzen bitartez eta antibioterapia programen hobekuntza erabili zitezkeen. Diagnostikoa burutzeko garapenean zeuden jadanik ohikoak baino azkarragoak ziren metodo diagnostikoak. Kolistina, tigeziklina, daptomizina, zeftazidima/abibaktam eta ekinokandinak tratamendu eraginkorrak izan zitezkeen nahiz eta aldakortasuna egon mikroorganismoen artean. Bakterio askok betalaktamasen sintesia aurkeztu zituzten erresistentzia mekanismo bezala nahiz eta antibiotiko ezberdinen aurkako mekanismo ugari deskribatu ziren. Tratamendu berrien garapena ikerketan zegoen. Ondorioak: Pandemia garaian COVID-19 gaixoek jasotako antibiotiko kopuru handiak mikroorganismo multierresistenteek eragindako infekzioak handitu zituen, gram negatiboenak batez ere. Erresistentziak eta haien mekanismoak ugariak izan ziren. Beharrezkoak dira antibiotikoen erabilera hobetzea eta tratamendu zein metodo diagnostikoen ikerketan aurrera egitea infekzio hauen maneiu hoberena izateko.