Cor Outsourcing S.L: 2025-2027 urteetarako plan estrategikoa

Abstract

Estrategia ez da tresna hutsa, asmoak lorpen ukigarri bihurtzen dituen ikuspegia baizik. Hori guztia gogoan izanda, Gradu Amaierako Lan honek plan estrategiko bat proposatzen du 2025-2027 urteetarako Cor OUTSOURCING S.L. enpresarentzat, azpikontratazio jardueretan aitzindaria dena. Praktiken bidez lortutako ezagutzak eta enpresarekiko harreman zuzenak azterketa sakona eta pertsonalizatua ahalbidetu dute. Barne-azterketa sakona egin da indarguneak eta ahuleziak ebaluatzeko eta kanpo-azterketa egin da ingurunean mehatxuak eta aukerak identifikatzeko. Azterketa horietatik abiatuta, enpresaren filosofia errespetatuko duten helburuak eta estrategiak aurkeztuko dira. Proposatutako plan estrategikoak, Cor OUTSOURCING S.L.ren ibilbide arrakastatsuari eusteaz gain, ingurune dinamiko eta lehiakor batean egokitzeko eta hazteko gaitasuna hobetzea du helburu. Horrela, lan hau enpresa lorpen jasangarri eta iraunkorren etorkizunera bideratuko duen itsasargi bihurtzen da