Espainiako Fintech sektorearen analisia eta ekintzailetza

Abstract

Urteak aurrera egin ahala, teknologiaren aurrerapenak geroz eta nabariagoak dira gizartean zehar. Adibidez, gaur egungo biztanleria ezin litzateke haien artean komunikatu mugikorrik gabe; edota, sare sozialek zekulako garrantzia bereganatu dute, gaur egungo entretenimendu garrantzitsuenetariko bat izanik. Aurrerapen teknologikoa hain indartsua izan da, non beste esparru batzuen aldaketa eragin baitu, hala nola, ekonomia eta finantzaketarena. Ildo honetatik, azken hamarkada honetan, “Fintech” industria garatu da hazkunde azkarreko sektore disruptibo gisa, non teknologia eta finantza-zerbitzu tradizionalak elkartzen baitu. Datuei erreparatuz, “Fintech Global Vision 2023” txostenaren arabera, Espainia Europako hirugarren eta mundu mailako seigarren postuan finkatuta dago fintech operazioei dagokionez, 977 operazioekin. Hau da, Espainiak, milioi bat biztanleko, 21 fintech baititu eskuragarri. Gainera, “Boston Consulting Group” (BCG) eta “QED Invertors”-en txostenaren arabera, fintech-ek 2030. urtean 1,5 bilioiko balioa izango dutela aurreikusten dute mundu mailan. Gaur egun, finantza-zerbitzuen diru-sarrerei dagokionez, %2-a fintech-ei dagokie; baina, 2030. urtean %7-ra igotzea espero da.