Zein instrumentazio eta material erosiko zenuke ingurugiroko analisiak egiten dituen laborategia muntatzeko?

Abstract

Proiektu honen bitartez ikasleak prozedura analitikoan eman beharreko urratsak identifikatuko eta bakoitzak duen garrantzia ulertuko ditu. Urrats horien barnean sartzen dira laginketa eta laginaren aurretratamendua. Sarri prozedura analitikoa analisiarekin nahasten da eta ondorioz urrats honetan jartzen da esfortzu analitikorik handiena. Edonola ere, laginketa eta aurretratamenduaren urratsen prozedura analitiko osoaren errorerik altuenak (> %60) erakusten dituzte eta beharrezkoa da bi urrats hauen planifikazioak eta egokitasunak emaitzen kalitatera ekar dezakeen onura azpimarratzea.

Proiektu honetan lagin solidoen eta lagin likidoen laginketarako tresneria, laginak gordetzeko berezitasunak, laginketarako estrategiak eta laginketari dagokion estatistika landu beharko du ikasleak.

Aurretratamenduari dagokionez konposatu ez-organikoek zein organikoek (bide humela) erakusten duten teknika desberdinak aztertu beharko dituzte, hauen berezitasunak, aplikazioak, abantailak eta desabantailak justifikatuz.

Eduki hauek lantzeko, ur-araztegi batek dituen hondakinak (urak eta lohiak) ingurugirora jaurtikitzeko araztegiak indarrean dagoen legedia betetzebetetzen duen ebaluatzeko prozedura analitikoaren bi urrats hauek definitu beharko ditu ikasleak.