Neurona-sareetan oinarritutako korreferentzia-ebazpen automatikoa

Abstract

Neurona-sareetan oinarritutako euskararako lehenengo korreferentzia-ebazpenerako sistema aurkezten da GrAL honetan. Horretarako polonierarako eraiki berri den sistema hartu da oinarritzat eta euskararen ezaugarrietara moldatu da. Korreferentzia anotatuta duen EPEC (euskarazko erreferentziazko corpusa) corpusaren zatia, 45.000 hitzetakoa, erabili da neurona-sarea entrenatu eta ebaluatzeko. Ondoren, sistema hobetzeko asmotan, hainbat proba egin dira: hitz-embeddingen dimentsioak handitu, ezaugarri berriak gehitu eta neurona-sarearen parametroak aldatu. CoNLL metrikan lortu den emaitzarik onena % 54,66 puntuko F-measurea izan da urrezko aipamenekin eta % 41,20 puntuko F-measurea aipamen-detektatzaile automatikoarekin.