Ramon Saizarbitoriaren nobelagintza memoria ikasketen ikuspegitik

Abstract

Ramon Saizarbitoriaren nobelagintza memoria ikasketen ikuspegitik aztertzea izan da doktore tesi honen xedea. Memoria ikasketetako kontzeptu teoriko garrantzitsuenetakoak (`memoria kolektiboa, `memoria komunikatibo eta `kulturala edota `memoria guneak, besteak beste) deskribatu ditugu, baita memoriaren eta literaturaren ikasketak uztartu dituzten ikerlan nagusienetakoak ere. Horietan oinarrituta, Saizarbitoriaren nobeletan irudikatzen diren memoria mota ezberdinak aztertu ditugu, eta, Ehun metrotik (1976) Martutenera (2012), memoriaren errepresentazioak izan duen bilakaerari erreparatzea ahalbidetu digu horrek