Emakume kirolarien presentzia eta irudia Gipuzkoako egunkari nagusienetan (2015)

Abstract

Mendeak esparru pribatuan mantentzera behartuta egon ondoren, emakumea kirol praktikara barneratzen joatea denborekin eman den prozesu bat izan da, baina aurrerapenak aurrerapen, oraindik ere egunkarietan emakume kirolarien trataera gizonezkoen desberdina dela onartu behar da. Hori ikusirik, honako lan honetan egunkarietan emakume kirolariaren trataera ikusi da, datu kuantitatibo eta kualitatiboen bidez emaitzak eta ondorioak ateratzeko. Egunkariek, kasu honetan Gipuzkoako egunkari nagusienek, emakumezkoen kirolari eskainitako abagunea eta kopurua ikertu dira, bai presentzia eta bai irudia aztertuz. Emaitza eta ikerketa honetatik atera daitekeen ondorio nagusia ondorengoa da: Emakume kirolarien presentzia eta irudia Gipuzkoako egunkarietan 2015. urtean merezimendu eta lorpenetatik oso urrun gelditzen da.