Emozio artean: konpetentzia emozionalak artearen bidez lantzen

Abstract

Emozioak jaiotzen garenetik pertsonen bizitzan presente daude, baina askotan ez dugu gure edo besteen emozioak era egoki eta eraginkorrean kontrolatzeko trebetasunik. Horren adierazle dira gaur egungo jendartean antzeman daitezkeen arazo emozional, sozial, akademiko eta osasunekoak. Honek hezkuntza emozionala lantzeko beharra agerian uzten du, izan ere, ikerketa askok nabarmendu izan dute ongizatearen eta adimen emozionalaren arteko harremanak duen garrantzia. Horrez gain, emozioen eta adierazpen artistikoen arteko lotura ukaezina da. Hori dela eta, konpetentzia emozionalak artearen bidez jorratzeko heziketa materiala proposatzen da.