Konputagailuen Egitura ikasgaiko praktikak Raspberry Pi makinara egokitzea
Fecha
2017-11-27Autor
Viedma Castillo, Jon
Metadatos
Mostrar el registro completo del ítemResumen
Gradu amaierako proiektuaren helburu nagusia Raspberry Pi Fundazioak orain dela bost urte merkaturatutako Raspberry Pi txartelaren bitartez, konputagailuen arkitektura saileko Konputagailuen Egitura irakasgaian moldaketa bat ezartzea da. Raspberry Pi kreditu txartelen tamaina duen eta zirkuitu-plaka bakarreko konputagailu pertsonalen serie bat da, gaur egungo elektronikako proiektu askotan erabiltzen dena.
Orain arte, Konputagailuen Egitura irakasgaia bi zatitan banatua izan da: Lehenengo atalean ikasleek behe mailako programazioa ikasten dute (ARM mihiztadura lengoaia). Bigarren zatian aldiz, Sarrera / Irteerako sinkronizazio kontzeptuak (etenak, inkestak) ikasten dira.
Proiektu honetan Raspberry Pi txartela orain arte erabilitako Nintendo etxeko DS kontsola ordezkatzeko gai den ala ez aztertuko da, irakasgaian irakasten diren kontzeptu teorikoak praktikara eramateko. Horretarako, Raspberry Pi-ak dituen periferiko zein memoria egituran sakonduko da, behe mailako programazioaren ikuspuntu batetik.