BREXIT: Europar Batasunaren Etorkizuna Kolokan. Garapen historikoa, negoziaketak eta eszenatoki posibleak.

Abstract

Gradu amaierako lan honetan, Brexita eta Europar Batasunaren etorkizuna aztertzen dira; garrantzia handiko gertakari historikoa izan da hau, eta Europar Batasunaren etorkizuna ziurgabetasunez josia utzi du. Lanean, batez ere bost hipotesi hauek frogatzen saiatu naiz:

1. Britainiarrek Europarekiko duten mesfidantzak erro historiko zabalak ditu.

2. Gaur egun bizi dugun nazioarteko kontestuak garrantzia izan du Brexitaren aldeko jarrera gainjartzeko orduan.

3. Barne faktoreen eragina berebizikoa izan da. Eskozian, Ipar Irlandan eta Ingalaterran eragin duten faktore hauek desberdinak izan dira.

4. Europar instituzioen jarrera azkenengo testuinguruan indartu eta bateratu egin da, batez ere Frantziako hauteskundeen emaitzen ostean.

5. Aurreko hipotesian aipatutakoak, europar instituzioen indartzeak alegia, negoziaketek hard Brexitaren bidea hartzea eragingo du.

Horrela, literatura eta txosten zientifikoen laguntzaz, Brexitaren irudi zabala izango dugu eta Europar Batasunaren etorkizuneko balizko eszenatokiak azalduko ditugu.