Kezkagarri arraroa terminoaren eraketa, etxea eta hiria espazio bezala hartuta. Twin Peaks telesailetik, zenbait praktika artisitiko garaikidetara
Laburpena
Gure ikerketa kezkagarri arraroa deritzon kontzeptuan oinarritzen da. Kezkagarri arraroa, Sigmund Freuden Das unheimliche testuan eta Giorgio de Chiricoren metafisikari buruzko irakurketetan oinarritzen da nagusiki, nahiz eta beste egile batzuen testu eta ideietara ere gerturatzen garen. Kezkagarri arraroa guretzat anbibalentzian oinarritzen den terminoa da, alde bikotasuna helarazten duena, baina beti ohikotasunaren logikaren baitan ematen dena. Kezkagarri arraroa ezaguna zaigun hori ezezaguna, arraroa, izatera igarotzen denean agertzen da. Guzti hau, hiru esparrutan aztertu dugu, eta zinemagilearen obran kezkagarri arraroaren presentzia identifikatzeaz gain, etxeak, auzoak, duen garrantzia azpimarratu dugu. Bereziki interesgarria suertatu zaigu Twin Peaks telesailaren kasua. Aurreko guztia kontuan hartuz eta Twin Peaksen hariari jarraituz, zenbait praktika artistiko garaiketara begiratu dugu. Horien artean nabarmena da Serban Savu artista errumaniar gaztearen lana. Serban Savuren lanak, kezkagarri arraroaren zertzeladak iradokitzen dizkigu, bere ingururik hurbilena giro arrarotu batekin irudikatzen baitu. Azkenik, gure praktika artistiko propioaren analisia egin dugu, azken batean hau ere tesiaren parametroen baitan kokatzen delako.