Arduinon eta ikusmen artifizialean oinarritutako sailkatzaile automatikoa
Fecha
2018-10-23Autor
Aguiriano Iriondo, Mikel
Metadatos
Mostrar el registro completo del ítemResumen
Gradu Amaierako Lan honetan uhal garraiatzaile batetik doazen piezak, beraien kolore, tamaina edota materialaren arabera era automatikoan sailkatu eta biltegiratuko ditzakeen sistema diseinatu eta eriki da.
Piezaz pieza muntatu eta DC motor batez higitutako uhal garraiatzaile batetik zehar ezaugarri ezberdineko piezak sisteman sartuko dira. Ukipen pantaila baten bidez egindako parametro aukeraketaren arabera, piezak kolorearen (gorria,berdea eta urdina), tamainaren (handiak eta txikiak) eta materialaren (metalikoak eta ez metalikoak) arabera sailkatu ahal izango dira. Sentsore ezberdinek detektatutako piezen ezaugarriak ukipen pantailan aldez aurretik aukeratutakoarekin bat egiten badute, objektua biltegiratuko da serbomotor batekin mugiarazitako mekanismo bultzatzaile baten laguntzaz, bestela, aurrera pasako dira uhalaren amaieran dagoen biltegi orokor batera eroriz.
Sistema oso hau gauzatzeko, beharrezko Arduinoko programazioaz gain, 3D-ko inprimagailua erabiliz zenbait osagaien euskarri diren egitura fisiko ezberdinak eraiki dira. Objektuen ezaugarri ezberdinak arazo barik antzemateko, egokienak ziren sentsore ezberdinak erabili dira, kolore sentsore bat kolore desberdintzerako, ultrasoinuko sentsore bat tamainaren neurketarako eta sentsore induktibo bat objektu metalikoak detektatzeko, hain zuzen. Sistemaren azken muntaketarako, PCB plaka bat erabili da konexioak era eroso eta eraginkor batean egin ahal izateko.