Tratamendu farmakologikoa deshabituazio tabakikoan: meta analisi eta berrikuspen sistematikoa

Abstract

[EUS] Gaur egun, tabakismoaren kontsumoak kezka handia sortzen du oraindik ere, bai herrialde garatuetan arazoa izaten jarraitzen duelako, bai herrialde azpigaratuetako kontsumoa modu ikusgarrian igotzen ari delako. Jakina denez, tabakismoaren arriskua drogodependentzia bera baino, berari loturiko osasun arazoen ondoriozkoa da. Izan ere, tabakoa erretzea mundu mailako eta gizarte garatuetako lehen morbi-mortalitate kausa saihesgarria da, mortalitate altuko hainbat gaixotasunen (arazo kardio- eta zerebrobaskularrak, EPOC-a, minbizi mota ugari) arrisku faktorea izateagatik.