Zelula handiko ez Hodgkin linfoma hedatsua: Donostia Ospitalean 10 urteko kohorte baten azterketa. Ezaugarri demografikoak, prognosi faktorea, tratamendua eta biziraupena. R-CHOP kimioterapiari erantzuten ez dioten gaxoen azterketa.

Abstract

[EUS] B-zelula handiko linfoma hedatsua (BZHLH) helduen artean neoplasia linfoide ohikoena izateaz gain, ez Hodgkin linfoma (EHL) ohikoena ere bada, horien %30-40a osatuz. Gehienetan linfoma oldarkor moduan aurkezten da, hilabete gutxitan sintomatikoa bilakatuz eta tratamendurik gabe hilgarria bihurtuz. BZHLHren intzidentziak adinarekin gora egiten du eta aldakorra da Europan zehar. Arrisku faktore moduan identifikatuak izan dira linfomaren aurrekari familiarrak, gaixotasun autoimmuneak, giza immunogutxipenaren birusa (GIB), hepatitis C birus (HCV) seropositibotasuna, gazte-heldutasunean gorputz masa indize altua eta zenbait lanbide esposizio.