Migrazioa gaur egungo erronka glokala. Euskal diasporaren kasua elkartasun eragile eskolan.

Abstract

Egungo globalizazio testuinguruan, migrazioa erronka glokala dugu. Euskal Herriko errealitatearen parte da eta, aldi berean, mundu mailan dagoen erronka. Anitza da Euskal Herriko ikastetxeetan dugun errealitatea, baina era berean, aniztasunaren aberasgarritasunaz gozatu ahal izateko eta egungo gizartean planteatzen diren erronkei erantzunkizunez aurre egin ahal izateko Hezkuntza eredu berri baten premia nabaria da. Munduko Hiritartasunerako Hezkuntza/Global Education korronteak ikuspuntu global eta lokala landu eta uztartzeko aukera ematen digu, ikuspuntu glokala jorratzeko aukera. Lan honen helburu nagusia Euskal Herriko eskoletan Euskal diasporari presentzia emateak egin dezakeen kontribuzioa ezagutzera ematea da. Euskal diaspora lantzea izan daiteke aniztasunari bidea eginez kulturartekotasun konpetentzia garatu eta, aldi berean, parekidetasunaren aldeko Munduko Hiritar erantzulea hezteko abiapuntu. Migrazio historia dut, migrazio historia dugu, baina ezezaguna dugu guztiz, besteen arazotzat dugu.