Plastikozko zuntz optiko dopatuen karakterizazio optikoa

Abstract

Proiektu honek polimerozko zuntz optikoak (PZO) komunikazio optikoetarako eta energia sorkuntzarako erabil daitezkeela frogatzea du helburu. Gaur egungo komunikazioetan beirazko zuntzak erabiltzen badira ere, PZOen erabilera areagotu da hauek dakartzaten onurak direla eta (mekanikoki zurrunak, diametro handikoak eta malguak dira, bihurdura eta lerrokatze faltaren aurrean egokiak egiten dituena). Guzti honek haien erabilera erraza izatea egiten du, kostua gutxiagotuz. Gainera, zuntz hauek dopatu ahal direnez, argiaren eskualde ikuskorra erabiltzen duten aplikazioentzako egokiak dira. Adibidez, LAN (Local Area Network) sareetan, non zuntz hauek laser argi iturri bezala erabiltzen diren. Banda zabalera handia duten komunikazioetan erabiltzen diren anplifikadoreen ikerkuntzarako ere egokiak dira. Beraz, proiektu honen bitartez PZOek dituzten ezaugarri optikoen propietateak ikertu nahi dira, horrela, argia sortzeko edo eta anplifikadoreetarako balio dutela frogatzeko. Beste alde batetik, PZOak energia berriztagarri iturri berri bezala aztertu nahi dira, energiaren eskaria eta gaur egun pairatzen dugun berotegi efektua dela eta. Horretarako, eguzki kontzentradore lumineszenteez (Luminizscent Solar Concentrator, LSC) baliotuz, eguzki energia jasotzen duen sistemaren prezioa murriztea lor daiteke, zelula fotovoltaikoen azalera konkretu batean argia kontzentratuz, kanpo energia iturri baten beharrik gabe. PZOen kostu txikia eta eguzki energia jasotzeko duten errendimendua kontuan izanda, proiektu honen bigarren helburua LSCetan erabili daitezkeen ikertzea da.