Indarkeria sexualak unibertsitatean: aurre egiteko prestakuntza-gida

Abstract

USVreact proiektua (Unibertsitate-eremuko indarkeria sexualen biktimei babesa: prestakuntza eredu egonkorrak sortzen) bi urtetan zehar garatu dugun ikerketa-ekintza da, Europar Batzordearen Daphne III programaren aldi bereko finantzaketari esker inplementatu dena. Bere helburu nagusia izan da unibertsitate-eremuaren baitan jazotzen diren indarkeria sexualen prebentzioan eta abordatzean eragin positiboa izango luketen prestakuntzak diseinatu, gidatu eta ebaluatzea. Horretarako, hezkuntzamaterial espezifikoa diseinatzeaz gain, irakasleak, administrazioko langileak eta, zenbait kasutan, ikasleak trebatu ditugu, aipatutako indarkeriak pairatzen dituzten pertsonei lehen mailako arreta eskaintze aldera. Behar zehatzei erantzungo dien errespetuzko hitzarmen duin eta sentikorra bermatzeko asmoz, garrantzitsua iruditzen zaigu indarkeria jasan dutenak aholkatzeko gai diren pertsonak egotea unibertsitate-komunitatearen baitan; erabakiak hartzeko prozesuan bidelagun izango diren pertsonak; unibertsitateko zein komunitateko baliabide eta zerbitzuez profitatu ahal izatea erraztuko dutenak; edota, hala nahi izanez gero, barne-prozedura edota prozedura judizialen bidea samurtuko dutenak ere. Gure ustez, formakuntza horiek ikusgarri egiten dute unibertsitate-eremuan jazotzen diren indarkeria sexualen intzidentzia. Era berean, berehalako arretatik haratago doan eztabaida ahalbidetzen dute. Izan ere, komunitate unibertsitario guztia barne-hartuko duen eraldaketa sakona bultzatzea dute azken helburu.