Kontserbazio legeak dituzten deribatu partzialetako ekuazioetarako zenbakizko metodoak
Ver/
Fecha
2020-01-16Metadatos
Mostrar el registro completo del ítemResumen
[EUS] Lan honen helburua kontserbazio legeak dituzten deribatu partzialetako
ekuazioak aztertu eta zenbakizko metodoak erabiliz ebaztea da. Graduan zehar ekuazio ez-linealak ez dira ia lantzen eta hortik dator motibazioa. Mota
horretako ekuazioek zailtasun gehigarriak dituzte eta horiei aurre egiten
ikasiko dugu. Lanaren hasieran kontserbazio legeen sarrera bat egingo da,
segidan, Burgersen ekuazioa aurkeztuko da, lan guztian zehar kontserbazio
legeen eredu izango dena, eta analitikoki ekuazioaren zenbait propietate garrantzitsu aztertuko dira. Ondoren, zenbakizko metodoen kontzeptu orokorren definizioak egingo dira eta zenbait zenbakizko eskema aurkeztuko dira
Godunov-en metodoarekin bukatzeko. Lanaren amaieran, metodo horien
zenbakizko simulazioak egingo dira bi problema zehatz ebazteko. Soluzioak
eta grafikoak lortzeko Mathematica programa erabiliko da, grafikoak egin
eta aztertzeko egokiena delako.
Lan hau egiteko graduan zehar jasotako jakintzak praktikan jarriko dira:
lehenik eta behin, zenbakizko metodoei buruzko hiru ikasgaietan ikasitako
kontzeptuak (Zenbakizko metodoak I, Zenbakizko metodoak II eta Numerical solution of differential equation); bestetik, zenbait integral ulertzeko eta
moldatzeko kalkulu diferentziala eta baita ekuazio diferentzialetan ikasitako
teknikak ere; eta azkenik, zuzenean eragiten ez duten baina baliagarriak egingo diren hainbat jakintza, hala nola, neurria, programazioa, fisika orokorra edo kurbak eta geometria.