Bioiragazpena: gasen korronteak tratatzeko aukera garbia

Abstract

Gasen tratamendurako metodo biologikoak, mikroorganismoek molekula kutsatzaileak degradatzeko duten ahalmenean oinarritzen dira. Metodo hauetariko bat bioiragazpena dugu eta teknologia "garbia", "merkea" eta "eraginkorra" da. Aplikazio ugari ditu, besteak beste, H2S-a bezalako konposatu kirasdun edota toxikoak dituzten gas emarien tratamendua. Kutsatzailearen kontzentrazioa txikia denean eta tratatu behar den gas bolumena handi samarra denean erabiltzen da batez ere. Beraz, hainbat industriak igorritako gasak tratatzeko aplikazio zuzena du.