Etxebizitza turistikoak: auzokideen defentsa-bideak jabetza horizontalean

Abstract

Lan honen helburua, egun, zer esan handia izaten ari diren pisu turistikoen azterketa juridikoa gauzatzea izan da, eta zehazki, hauek bizikidetza arloan sortzen duten eragina ikuskatzea. Honela, bizilagunek, eraikinetan ezartzen diren pisu turistikoei aurre egiteko dituzten tresnak zer nolakoak diren ikusi delarik. Horretarako, funtsean, Jabetza Horizontal Legeko 7.2. artikulua ikertuz. Horrenbestez, jarduerak historian zehar izan duen garapena behatu da, sorreratik gaur eguneraino izan duen aldaketa ikustearren. Izan ere, gizartea zuzenbidearen isla den heinean, beharrezkoa da pisu turistikoen sustraiak zein izan diren ikusi eta jasan duten aldaketa marraztea. Ildo beretik, jabetza horizontalaren legean jabekideei aitortzen zaien babesa aztertu da. Hots, beraien jabetza eskubidea bermatzearren, jarduera hauek aurkatzeko zein bide dituzten eta horien nondik norakoak ikuskatu da. Izan ere, egun, jabetza horizontaleko legea da jarduera hauen oztopo nagusia eta bertara egin behar da salto gaur jorratzen den gaia modu egokian ulertzearren. Hitz gutxitan, gai honek dituen puntu ahulak identifikatu eta hauei erantzuna ematea izan da helburua. Amaieran, ikerketaren emaitzei eutsiz hainbat ondorio atera direlarik.