Jarduera fisiko programa baten aurrean eta ondorengo atsedenaldiko eta esfortzuko tentsio arterialaren balorazioa eskizofrenia duten pertsonetan: CORTEX-SP ikasketa

Abstract

Sarrera: Eskizofrenia duten pertsonetan hilkortasun-tasa handiak bizi estilo ez-osasuntsu eta tratamendu farmakologikoaren bigarren eskuko efektuei lotzen dira. Hortaz, arrisku kardiobaskular eta metabolikoek eragin handia dute haien bizitzan, haien artean tentsio arteriala (TA) altua eta inaktibitate fisikoa. Helburua: Lan honen helburu nagusia eskizofrenia zuten pertsonetan atsedenaldiko, submaximoko eta esfortzuko TA analizatzea izan zen, jarduera fisiko programa baten aurrean eta ondoren. Metodoak: Eskizofrenia pairatzen zuten 58 parte-hartzaile (45 gizon eta 13 emakume) baloratu ziren, 20 asteko interbentzioaren aurrean eta ondoren hurrengo neurketen bitartez: gorputzeko konposizioa, bizikleta ergometrikoaren bitarteko esfortzu proba bat gaitasun fisikoa eta TA (submaximoa eta pikoa) baloratzeko eta atsedenaldiko TA 24 orduz presio arterialeko monitore anbulatorioaren bitartez. Interbentziorako lagina bi talde ezberdinetan banatu ziren: kontrol taldeak (KT) tratamendu normala jarraitu zuen eta jarduera fisiko taldeak (JFT) astean hirutan jarduera fisiko gainbegiratua egin zuen. Emaitzak: Interbentzio aurretiko datuetan parte-hartzaileek gainpisua zutela (29,4±5,6 kg/m2) eta TA-ren aldetik normaltzat jotzen ziren balioen barruan zeudela ikusi zen (TAS=119,9±14,6 mmHg eta TAD=71,4±8,6 mmHg). Interbentzioaren ondoren: 1) gorputzeko masan KT-an gorakada esanguratsua eman zen (p=0,036) eta JFT-an jaitsi zen nahiz eta esanguratsua ez izan (p>0,05). Ondorioz, taldeen arteko ezberdintasuna agertu zen (p=0,016); 2) TA-ean ezberdintasun esanguratsurik (p>0,05) ez ziren agertu KT-n eta JFT-n. Hala ere, nahiz eta esanguratsuak ez izan, TA sistolikoaren bataz besteko balioetan jaitsiera aurkeztu zuten bi taldeek interbentzioa ondoren (KT= 121,2±15,8 vs. 118,4±14,6 mmHg) eta (JFT=114,9±8,3 vs. 112,9±7,7 mmHg). Bestetik, KT-n jaitsiera esanguratsuak erakutsi zen (p=0,006) TA sistolikoan esfortzu pikoan (185,7±31,7 vs.168,4±37,6 mmHg). Ondorioak: Eskizofrenia duten pertsonetan atsedenaldiko eta esfortzuko TA baloreak normaltasunaren barruan kokatzen dira. Baliteke medikazioak haien bizi estiloan duen garrantziak paper garrantzitsu bat jokatzea nerbio sistema sinpatiko zein parasinpatikoaren funtzionamenduan. Bestalde, JF indibidualizatua arrisku faktoreak gutxitzeko erraminta oso baliagarria izan liteke.