Sorkuntza feminista dantza garaikidean. Gorputzetik egindako ikerketa bat

Abstract

Ikerketa honek dantza garaikidearen esparruan ematen ari den sorkuntza feminista du aztergai. Lanaren zutabe nagusiak lau dira: dantza garaikidea, sorkuntza, feminismoa eta gorputza; hauen bueltan osatu dut analisia, dantza garaikideak eduki ditzakeen abaguneez hitz eginez, sorkuntza prozesu baten nondik norakoez arituz eta baita prozesu horretan zehar feminismoak eduki ditzakeen bideez ere, horretan guztian gorpuztasunak eduki ditzakeen zeresanei helduz. Horretarako, euskal testuinguruan lanean dauden bost artistari elkarrizketak egin dizkiet, beraien lanak ere kontuan hartuz. Estrategia metodologiko osagarri gisa eta agertutakoa gorpuzte aldera, sorkuntza prozesu propio bat ere bideratu dut.