Covid-19 krisiaren analisi sozioekonomikoa Europar Batasunean. Osasun krisi batetatik haratago

Abstract

COVID-19 pandemiaren zatirik kezkagarriena bere ondorio sanitario larriak dira dudarik gabe, birusaren ondorioz gertaturiko heriotzen zenbatekoa gorantz doalarik egunetik egunera. Horrelako mailako pandemiaren aurrean, ondorioak gizarteko puntu guztietaraino hedatu dira; besteak beste ondorio politiko, sozial eta ekonomikoetara, modu honetara gizartearen atal guztiei eraginez (Coronavirus noticias, 2020). Mundu mailako krisi honen aurrean hainbat dira jendearen ahotan dauden galderak eta ezinegonak; zein izango dira Europar Batasunean kaltetuen irtengo diren herrialdeak? nola da posible farmazeutikoak mundu mailako pandemia baten aurrean irabaziak ateratzea? nola jardungo dute hainbeste aldiz telebistan entzun ditugun europar funtsak? besteak beste. Lan honen helburua krisiari buruzko ikuspegi sakon bat ematea izango litzateke, hainbat aldagai ezberdin azalduz, batez ere osasun alorra ekonomia alorrarekin lotuz, beti ere garrantzitsua baita osasun arrazoiekin azaldu ezin daitezkeen hainbat politika, ekonomia arrazoiekin azaltzea.