“Kooperatiben Euskal Legea Nazioarteko Zuzenbide Kooperatiboaren Testuinguruan” Jardunaldiaren Kronika

Abstract

Urriaren 1ean, "Kooperatiben Euskal Legea Nazioarteko Zuzenbide Kooperatiboaren Testuinguruan" deitutako Jardunaldia izan genuen Joxe Maria Korta Auditoriumean, UPV/EHUko Donostiako Campusean. Jardunaldiak Euskadiko Kooperatiben Goren-Kontseiluaren (CSCE-EKGK) babesa izan zuen, eta Gizarte Ekonomia eta Zuzenbide Kooperatiboaren Institutuak (GEZKI) antolatu zuen. Jardunaldiak kontinente guztietako 13 hizlari bildu zituen eta 40 ikusle baino gehiagok jarraitu zuten bai presentzialki, bai birtualki. Parte-hartzaileen artean dibertsitate handia aurkitu ahal izan zen: kooperatiben arloko akademiko, profesional, jurista eta erakunde publikoetako ordezkariak besteak beste. Jardunaldia hiru atalen barruan kokatu zen: Jardunaldiaren aurkezpena, nazioarteko ikuspegiak zuzenbide konparatuaren bidez, eta Euskal Kooperatiba Lege berria.