Erditu osteko emakumeen gernu inkontinentzia ekiditeko metodoak

Abstract

Sarrera. Gernu inkontinentzia gernuaren nahigabeko ihesa da. Hainbat inkontinentzia mota daude eta horien artean, esfortzuzko gernu-inkontinentzia dago, haurdunaldian zehar eta erditze ostean jasaten den gernu inkontinentzia ohikoena. Prebalentziari dagokionez, prebalentzia asko aldatzen da hainbat faktoreren arabera. Gernu inkontinentzia arazo sozial bezala kontsideratzen da arazo honek inpaktu sozial handia eragiten duelako. Helburua. Lanaren helburu nagusia erditze osteko emakumeen gernu inkontinentzia ekiditeko metodoak zehaztea da. Metodologia. Gaiaren inguruan idatzitako literatura zientifikoaren errebisio narratiboa egin da, PIO estruktura erabiliz. Bilaketa bibliografikoa datu-baseetan egin da, eta hainbat web-orrialde eta beste iturri batzuetara jo da. Irakurketa kritikoari esker, artikuluen ebaluazioa burutu da CASPe txantiloien bidez eta Haynes piramidearekin dokumentuen ebidentzia maila ziurtatu da. Emaitzak. Erditze osteko gernu inkontinentzia izateko hainbat arrisku faktore daude: faktore obstetrikoak eta ez obstetrikoak (amaren adina, amaren GMI, diabetesa, idorreria eta tabakismoa). Esfortzuzko gernu inkontinentzia ekiditeko hainbat metodo daude (zoru pelbikoaren muskulatura indartzeko entrenamendua, hipopresiboak, maskuriaren entrenamendua…). Hauek, etapa desberdinetan aplikatu daitezke: haurdunaldia baino lehen, haurdunaldian zehar eta erditu ostean. Eztabaida. Gernu inkontinentzia gizartean tabu denez, honekin apurtzea eta ikerketa gehiago egitea beharrezkoa da. Honez gain, emakumeei informazio egokia, osasunhezkuntza programa bat egitea eta zoru pelbikoa lantzea onuragarria da. Ondorioak. Erditu osteko gernu inkontinentzia izateko hainbat arrisku faktore daude eta hauek kontuan izan behar dira emakume bakoitzari beharrezko arreta eta zainketak emateko. Beraz, gernu inkontinentzia ekiditeko bai haurdun gelditu baino lehen, bai haurdunaldian eta bai erditu eta gero ere esku hartu daiteke.