Eutanasian oinarritutako osasun-hezkuntza programa, Donostiako Arantzazu ospitaleko gaixotasun terminaletaz arduratzen diren erizainei zuzenduta.

Abstract

Sarrera: Eutanasia, mediku batek gaixo eskatzailearen sufrimenduarekin amaitzeko eragindako heriotza da. Prozesua luzea eta gogorra da, bai gaixoarentzat, bai profesionalentzat, alderdi askoren desoreka ekartzen baititu berarekin (arlo biologikoa, psikologikoa, soziala, familiarrra eta ekonomikoa). Erizaintzak prozesuaren urratsak ezagutzea eta emozioen maneiu egokia egitea funtsezkoa da prozesua ondo atera dadin, bizi-kalitatea, autonomia, ongizatea, justizia eta erantzukizun morala bezalako faktoreak beti kontuan izanda, ahalik eta zainketa egokienak eman ahal izateko eta gaixoaren duintasuna uneoro bermatzeko. Helburua: Donostiako Arantzazu ospitaleko gaixotasun terminaletaz arduratzen diren erizainei eutanasiaren prozesuari buruzko osasun programa bat diseinatzea. Metodologia: Osasun heziketa programaren PIO galderari erantzunez, eta barneratze eta kanporatze irizpideak jarraituta, bilaketa bibliografikoa iturri desberdinetan egin da: datu-baseetan (Pubmed, BVS eta Dialnet) eta web-orri desberdinetan. Proiektuaren egitura eta programazioa egiteko aldiz, “Gral eskuliburua” eta eredu desberdinak hartu dira erreferentzia moduan. Plangintza: Programa 5 saioetan landuko diren 5 gai-multzoetan banatuko da. Honetarako, osasun-agente desberdinek hartuko dute parte, gaiak behar bezala jorratzeko. Metodologia pedagogikoari dagokionez, programa hau partaideen parte hartze aktiboan oinarritzen da. Bukatzeko, ebaluazioa hiru zatitan banatuko da; emaitzen, prozesuaren eta egituren eta baliabideen ebaluaketa egingo baita. Ekarpen pertsonala: Nahiz eta Espainian eutanasia 8 hilabete daraman legeztatuta, gaur egun informazio asko aurkitu dezakegu gaiari buruz, baina egindako bilaketan ez dira erizainei zuzendutako osasun-hezkuntza programarik ikusi. Hala ere, pazienteari zuzenki eragiten dion arazo bat da eta ondorioz, erizaina ezinbesteko papera betetzen du osasun hezitzailearen rolean, asko eman baitioke hiltzeko laguntza prozesuari.