Dispentsarako eskubidea: 2021eko lege eraldaketaren aurreko jurisprudentzia ibilbidea eta egungo egoera

Abstract

Dispentsarako eskubidearen inguruan asko hitz egin da. Gai oso eztabaidatua izan da Espainiako eremu prozesalean eta jurisprudentziak gora-behera ugari izan ditu horren inguruan, Auzitegi Gorenak (AG hemendik aurrera) iritzia hainbat aldiz aldatu duelarik. 2021eko ekainean dispentsaren edukia aldatu duen lege eraldaketa egon da, eta aldaketa hori aztertzea da helburu nagusia, hala nola, jurisprudentziak izan duen ibilbidea eta horrek ekarri duen eztabaida doktrinala zein izan den aztertzea, lege moldaketa hori eman den arte. Horrela lege eraldaketa horrek zein arazori ematen dion erantzuna eta zein arazo kolokan uzten duen ikusi ahal izango dugu, eta baita arazo horien inguruan egin beharreko zerbait gelditzen den identifikatzea ere.