Ikasleen arteko harremanak Lehen Hezkuntzan: patio baten azterketa

Abstract

Ikastetxeak gizakion sozializazio prozesuko eremu garrantzitsuak dira, bertan izandako harremanek norberaren garapenean eragina izango baitute. Egungo ikastetxeetako espazioek, batez ere patioek, ez dituzte, berdintasuna, hezkidetza eta aniztasunarekiko errespetua bezalako oinarriak bermatzen, ikasleen atsedenerako unea izanik, ez direlako heziketarako gune bezala hartzen. Ikerketa honetan, Lehen Hezkuntzako patioetan bizitzen diren sexu desberdintasunak ikertu dira, horretarako Gipuzkoako ikastetxe publiko bateko langile eta ikasleen iritzietan oinarrituz. Patio batek dituen, harreman, material eta espazio gabeziak identifikatu dira, jolastokiak nagusiki mutilek okupatzen dituzten espazioak direla ikusiz. Amaitzeko, berdintasunean, hezkidetzan eta aniztasunarekiko errespetuan oinarritutako patio bat izate aldera hainbat proposamen egin dira.