Hezkuntza-zentro publikoetako zuzendarien asebetetze-maila eta motibazioa
Fecha
2024-05-07Autor
Juaristi Ganboa, Nahia
Metadatos
Mostrar el registro completo del ítemResumen
Gradu amaierako lan honen helburua, azken urteetan, ikastetxe publikoen zuzendari-karguen baldintzetan eman diren hobekuntzak analizatzea eta hauek izan duten eragina ikertzea da. Azken urteetan egindako hobekuntzak, zuzendarientzat benetan hobekuntzak suposatu izan diren egiaztatzeko, hauen inguruko zuzendarien iritzia aztertuko da. Horretarako, higiene- eta motibazio-faktoreen teoria (F. Herzberg, 1959) eta espektatiben teoria (Lawler, 1968; Vroom, 1964) aztertuko dira ikerketaren oinarri bezala. Ostean, datuen analisirako, Satisfacción e insatisfacción de los directores escolares (Caballero Martínez, J. & Salvador Mata, F., 2002) ikerketa eta El acceso a la dirección escolar en los centros públicos del País Vasco (Jáuregui, P. A., Sabals, J. T. & Agudo, J. L. B., 2010) ikerketako datuak analizatuko dira, ikerketa egin zen momentu bakoitzean, legean zegoen zuzendaritzara sarrera legeztatzen zuten dekretuak ere analizatuz. Amaitzeko, ikerketa propio baten bidez, egungo Euskal Autonomia Erkidegoko zuzendarien asebetetze- eta motibazio-mailak aztertuko dira, bi hauetan eragiten duten faktore desberdinak identifikatuz. Horrela, gaur egungo zuzendaritzaren indargune eta ahuleziak ezagutuko dira. Ikerketa honen bidez, azken urteetan egindako aldaketak, hautaketa prozesura aurkezten diren hautagai kopuruan positiboki eragin dutela egiaztatu da. Dena dela, badaude hobetzeko alderdi batzuk, egun, zuzendarien asebetetze-mailan negatiboki eragiten dutenak: presio eta erantzukizun maila altuak, errekonozimendu falta, ordainsari urriak… Hori dela eta, hainbat proposamen aurkeztu dira, zuzendaritzaren aspektu hauek hobetu ahal izateko