Membrane interactions of the ATG8 protein LC3C and its role in autophagy
Fecha
2024-04-17Autor
Ballesteros Rivero, Uxue
Metadatos
Mostrar el registro completo del ítemResumen
Autofagia kontserbaturiko prozesu kataboliko bat da eta haren bidez degradatu egiten da kalteturiko edo beharrezkoa ez den material zelularra. Autofagiarekin erlazionaturiko (edo ATG) proteinek prozesuaren hainbat urrats erregulatzen dituzte eta 6 talde nagusitan banatzen dira. Horien artean ATG8 proteinen familia aurkitzen da, eta fagoforoaren elongazio prozesuarekin eta edukiaren hautaketa espezifikoarekin lotu da. Ugaztunetan, ATG8 proteina familia osatzen duten 6 homologoek egitura kontserbatua dute, ubikitina-muina eta N-muturrean kokaturiko 2 -helizez osatua. ATG8 familia osatzen duten proteinen artean, LC3C da gutxien ikasi dena eta estrukturari dagokionez, LC3C familiako beste kideengandik bereizten da, batez ere bere N-muturrean, non lehen -helizearen ordez, estrukturarik gabeko domeinu bat daukan. Azken urteetan egindako ikerketek nabarmendu dute LC3Ck ATG8 familiako beste kide batzuekin alderatuta, prozesu desberdinetan parte hartzen duela. Tesi honetan, LC3Cren eta mintzen arteko elkarreragina eta LC3Ck besikula fusionatzeko duen gaitasuna aztertu ziren. Gure emaitzek erakusten dute LC3C besikulen arteko fusioa eragiteko gai dela, eta fusio hori garrantzitsua dela aurofagosomaren tamaina erregulatzeko. Gainera, N-muturra identifikatu zen ezaugarri estruktural garrantzitsu gisa LC3Ck eragindako mintzen fusiorako.