Dieta bidezko fitoestrogenoak sintoma menopausikoak baretzeko

Abstract

[EUS] Menopausia Aztertzeko Espainiako Elkarteak (AEEM), diagnostikoa azken hilekoa ematen denetik 12 hilabete baino gehiago igarotzean zehazten duen arren, ez da bat-batean gertatzen eta garai ezberdinak ditugu: perimenopausia, menopausia eta postmenopausia. Prozesuak sintoma ezberdinak dakartza: berehalakoak, epe ertainekoak eta epe luzekoak. Agerpena faktore desberdinek eragiten dute (arraza, dieta, kirola, bizi estiloa), baina egia da zenbaitek prebalentzia handiagoa dutela: osteoporosia, sintoma genitourinarioak, antsietatea, beroaldiak eta loaren nahasmendua. Tratamendurik erabiliena hormona bidezko terapia ordezkatzailea (HT) den arren, eragiten dituen albo-ondorioengatik, emakume askok uko egiten diote beste alternatiba batzuk bilatuz; fitoestrogenoak.