Bibliodibertsitatea: irakurketa-planerako baliabide

Abstract

Lan honetan edizioaren soziologiaren eremuko bibliodibertsitatea kontzeptua aplikatzen da Hizkuntzaren eta Literaturaren Didaktikaren esparruan, ikastetxeko eta gelako biblioteketako testu-aniztasuna sustatzeko eta bermatzeko. Bibliodibertsitatea edizioaren sektoreak aniztasuna sortzeko duen gaitasunari esaten zaio (Galliand, 2011), eta hiru propietateren bidez neurtzen da: aukera, oreka eta desberdintasuna (Benhamou & Pelletier, 2011), eta propietate horiek adierazle jakinen bidez egiten dira ikusgai. Hemen, saioa egingo dugu indarrean den hezkuntza-markoan zehaztutako beharrizan eta betekizunei erantzuteko, kultura-, hizkuntza-, eduki- eta aterialitateaniztasunhandiagoa eskaini eta baliatzeko eta kulturaniztasunaren zein sistema ekosozialen osasun onaren alde egiteko (Hawthorn, 2016), bai eta bibliodibertsitatearen adierazle egokiak identifikatzeko eta Hizkuntzaren eta Literaturaren Didaktikaren esparrura ekartzeko ere; hala, proposatutako kontrol-zerrendatarako itemak, irakasleen eta liburuzainen eskura jarrita, irakurketa-planetarako materialen hautatze- zein programatze-lanetarako erabilgarri izan daitezke.