Uretako erditzeak jaioberriaren osasunarengan duen eragina

Abstract

Azkeneko hamarkadetan geroz eta emakume gehiagok eskatzen dute erditzearen fisiologia errespetatzeko. Hau dela eta, gaur egungo helburua erditzeko zainketak humanizatzea, emakumea berauen ardatz izatea eta erabakiak hartzerako orduan emakumearen parte hartzea sustatzea dira. Horrek, osasun sistemak hidroterapia bezalako metodo alternatiboak eskain ditzan eragin du. Hidroterapia ura eragile terapeutiko gisa erabiltzean datza, adibidez, ur murgilketak. Hauen erabilera erditzearen dilatazio fasean oso onartua dago, emakumearentzat dituen onura anitzak direla eta. Bestalde, bigarren faseko urperaldiak, hots, uretako erditzeak, eztabaida handia sortzen du.