Gorputzak iragatean: generoa eta diferentzia sexuala euskal gizartean Antzinako Erregimenaren krisialdi garaian

Abstract

Lan hau Antzinako Erregimanaren krisi garaian diferentzia sexualaren eraikuntza, bere aldaketak eta garapenak ikertzen ditu euskal gizartean. Lan honen premisa nagusiena euskal probintzietan egitura zaharretatik gizarte liberal batera igarotzean eman zen prozesuan diferentzia sexualaren eta generoaren berdefinizioak zentralak izan zirela da. Zentzu honetan, gorputzaren, generoaren eta diferentzia sexualaren nozio espezifikoak, baita beraien arteko erlazio konplexuak ere, gizartearen, politikaren, subjektuaren eta munduaren ulerkeraren oinarrizko ardatzak zirela argudiatuko dut, garai konkretu horretan tentsio nabarmenen pean garatu zirenak. Argudiatzen denez, ez ziren ikuspegi zaharren eta berrien arteko ordezkapen prozesu automatikoak eman. Honen kontra, aldakorrak izan ziren ikuspegien artean eztabaidazko elkarbizitza eman zen. Diskurtsoek beraien esanahiak eta kontzeptuak testuinguru berrietara egokitzeko gaitasun handia erakutsi zuten, baita ustekabeko ildo eta esanahi berriak sortzeko ere.