Unibertsitateko gazteen gorputz-osaerak, egoera fisikoak eta bizi-ohiturek hezur-zurruntasunarekin duten lotura.

Abstract

Ikerketa honetan, hezur-dentsitate maila maximoa lortzear dauden unibertsitate gazteen gorputz-osaerak, elikadura-ohiturek, jarduera- eta ariketa fisikoak, egoera fisikoak eta bestelako bizi-ohiturek, hezur-zurruntasunarekin duten lotura aztertzea izan da. Hezurrean, gihar-ehunak positiboki eta gantz-ehunak negatiboki erlazionatzeko joera dute; izterreko perimetro positiboki (p<0.001) eta tolestura negatiboki (p=0.008) erlazionatzen dira hezur-zurruntasunarekin. Jarduera fisikoa intentsitate maila neurrizko-kementsuan (p=0,035) eta oso kementsuan aritzea (p=0,096) hezur-zurruntasun handiagoarekin erlazionatzen da. Gainera, emakumeen koadrizepsaren gihar-indarrak (p=0,016) eta gizonetan gaitasun aerobikoak (p=0,096) hezur-zurruntasuanrekin lotura positiboa dute. Inpaktu karga-maila handia, ezohiko inpaktua eta gabeko ariketa fisikoak dira hezur-zurruntasun handiagoarekin erlazionatzen dira. Gainera, ariketa fisikoa eskola garai guztietan zehar modu jarraian egitea hezur-zurruntasunaren handiagoarekin erlazionatzen da (p=0,007).